You are here: હોમમા> વિવિધ વ્યંજન > ભારતીય વ્યંજન > ગુજરાતી વ્યંજન > પૌંઆ નાચણી હાંડવો રેસીપી
પૌંઆ નાચણી હાંડવો રેસીપી
Tarla Dalal
24 March, 2025
Table of Content
પૌંઆ નાચણી હાંડવો રેસીપી | નાચની હાથવો | હાયપરટેન્શન માટે નાસ્તો | હાઈ બ્લડ પ્રેશર માટે ભારતીય નાસ્તો | poha nachni handvo in gujarati | with step by step images.
અતિ પૌષ્ટિક એવો આ પૌંઆ નાચણી હાંડવો પૌંઆ અને નાચનીના લોટ વડે અતિ સ્વાદિષ્ટ બને છે એમ કહી શકાય? હા, આ મજાક નથી. આ હાંડવાનો સ્વાદ માણો ત્યારે તમે પણ કબૂલ કરશો. પૌંઆમાં લોહતત્વ રહેલો છે જે શરીરમાં નવા રક્તકણ બનાવવામાં ઉપયોગી થાય છે જેથી રક્તના ભ્રમણમાં અને રક્તના દાબને નિયંત્રત રાખવામાં તે મદદરૂપ થાય છે એમ ગણી શકાય. એટલે અહીં અમે દહીં, પૌંઆ અને નાચનીના લોટ વડે કણિક તૈયાર કરી તેમાં મસાલા પાવડરનો વઘાર ઉમેરીને તથા સારા પ્રમાણમાં શાકભાજી મેળવીને આ હાંડવો તૈયાર કરવામાં આવ્યો છે.
આ પૌંઆ નાચણી હાંડવો મીઠું અતિ ઓછા પ્રમાણમાં ઉમેરવાથી તે રક્તના ઉંચા દબાણ ધરાવનાર માટે માફકરૂપ ગણી શકાય. જો કણિક બહુ વહેલી તૈયાર કરશો તો તેમાંથી પાણી છુટશે અને હાંડવો બનાવવામાં તકલીફ થશે એટલે કણિક બનાવીને તરત જ હાંડવો બનાવી લેવો. ઉપરાંત એ પણ ધ્યાન રાખશો કે હાંડવો બનતા વધુ સમય લાગશે એટલે ધીરજથી મધ્યમ તાપ પર જ તેને રાંધવો.
Tags
Preparation Time
15 Mins
Cooking Time
60 Mins
Total Time
75 Mins
Makes
6 હાંડવા
સામગ્રી
પૌંઆ નાચણી હાંડવો રેસીપી માટે
1 કપ જાડા પૌવા (thick beaten rice (jada poha) , ધોઈને પાણી કાઢી નાખ્યું
1/2 કપ રાગીનો લોટ (ragi (nachni ) flour)
1/2 કપ દહીં (curd, dahi)
1/2 કપ ખમણેલી દૂધી (grated bottle gourd (doodhi / lauki)
1/2 કપ ખમણેલું ગાજર (grated carrot)
1/4 કપ બાફેલા લીલા વટાણા (boiled green peas)
2 ટીસ્પૂન આદુ-લીલા મરચાંની પેસ્ટ (ginger-green chilli paste)
1 ટીસ્પૂન સાકર (sugar)
1/8 ટીસ્પૂન હળદર (turmeric powder, haldi)
1/8 ટીસ્પૂન લાલ મરચાંનો પાવડર (red chilli powder)
1/4 ટીસ્પૂન મીઠું (salt)
1 ટીસ્પૂન તેલ ( oil )
1 ટીસ્પૂન રાઇ (mustard seeds ( rai / sarson)
2 ટીસ્પૂન તલ (sesame seeds, til)
1/8 ટીસ્પૂન હીંગ (asafoetida, hing)
1 ટીસ્પૂન તેલ ( oil ) , ચોપડવા માટે
વિધિ
પૌંઆ નાચણી હાંડવો રેસીપી બનાવવા માટે
- પૌંઆ નાચનીનો હાંડવો ની રેસીપી બનાવવા માટે, એક ઊંડા બાઉલમાં દહી અને ૧ ૧/૨ કપ પાણી મેળવીને મથની વડે સારી રીતે મિક્સ કરી લો.
- તેમાં પૌંઆ મેળવીને, સારી રીતે મિક્સ કરીને ૨૦ મિનિટ સુધી બાજુ પર મુકી દો.
- તેમાં દૂધી, ગાજર, લીલા વટાણા, આદૂ-મરચાંની પેસ્ટ, સાકર, હળદર, મરચાં પાવડર અને મીઠું મેળવીને સારી રીતે મિક્સ કરી લો. પછી બાજુ પર મુકી દો.
- એક નાના નૉન-સ્ટીક પનમાં તેલ ગરમ કરી તેમાં રાઈ, તલ અને હીંગ મેળવીને તેને મધ્યમ તાપ પર ૩૦ સેકંડ સુધી સાંતળી લો.
- આ વધારને પૌંઆ-દહી-શાકના મિશ્રણ પર રેડીને સારી રીતે મિક્સ કરી લો.
- તેમાં રાગીનો લોટ મેળવીને સારી રીતે મિક્સ કરી લો.
- આ ખીરાના ૬ સરખાં ભાગ પાડી લો.
- એક ૧૦૦ મિ. મી. (૪") વ્યાસનો નૉન-સ્ટીક પન ગરમ કરીને તેને ૧/૪ ટીસ્પૂન તેલ વડે ચોપડી લો. તેની પર ખીરાનો ૧ ભાગ રેડીને તેને સરખી રીતે પાથરી લો. તેને ઢાકણ વડે ઢાંકીને મધ્યમ તાપ પર ૧૦ થી ૧૨ મિનિટ અથવા તે બન્ને બાજુએથી ગોલ્ડન બ્રાઉન રંગનો થાય ત્યાં સુધી શેકી લો.
- રીત ક્રમાંક ૮ પ્રમાણે બીજા ૫ હાંડવા બનાવી લો.
- દરેક હાંડવાને ૪ ભાગમાં કાપીને તરત જ પીરસો.
