You are here: હોમમા> પાલક મેથી ના મુઠિયા રેસીપી
પાલક મેથી ના મુઠિયા રેસીપી
Tarla Dalal
02 January, 2025
Table of Content
પાલક મેથી ના મુઠિયા રેસીપી | પાલક અને મેથીના મુઠીયા | ગુજરાતી પાલક મેથી ના મુઠીયા | મુઠીયા ની રેસીપી | palak methi na muthia recipe in gujarati | with amazing 28 images.
લિજ્જત, પૌષ્ટિક્તા અને દેખાવમાં પાલક મેથી ના મુઠિયા મેદાન મારી જાય છે. પાલક અને મેથીની સોડમ એકબીજાનું સંતુલન કરી આ બાફેલા મુઠીયાને સ્વાદિષ્ટ બનાવે છે અને જે રાઇ અને તલના વઘારને કારણે વધુ સુગંધિત બને છે. પાલક અને મેથીના મુઠીયા જ્યારે પૌષ્ટિક લીલી ચટણી સાથે પીરસવામાં આવે છે ત્યારે એક લિજ્જતદાર નાસ્તો બને છે.
મુથિયા મોટાભાગે બાફેલા અને ખૂબ જ પૌષ્ટિક હોય છે પરંતુ, તમે સાંજના ક્રિસ્પી નાસ્તા બનાવવા માટે તેને ફ્રાય પણ કરી શકો છો. તેઓ ચા સાથે અથવા સાંજના નાસ્તામાં ખાઈ શકાય છે. લોકો કોબી, મગની દાળ, બીટરૂટ, દાળ વગેરેથી પણ મુઠીયા બનાવે છે. અમે અમારા મુઠીયાને પાલક અને મેથી સાથે બનાવ્યા છે જે આગળ પાલક પાલક મેથી ના મુઠિયા તરીકે ઓળખાય છે.
Tags
Preparation Time
15 Mins
Cooking Time
30 Mins
Total Time
45 Mins
Makes
4 માત્રા માટે
સામગ્રી
પાલક મેથી ના મુઠિયા
3 કપ સમારેલી પાલક (chopped spinach)
1 1/2 કપ સમારેલી મેથી (chopped fenugreek leaves, methi)
મીઠું (salt) , સ્વાદાનુસાર
2 ટીસ્પૂન આદુ-લીલા મરચાંની પેસ્ટ (ginger-green chilli paste)
2 ટેબલસ્પૂન ઘઉંનો લોટ (whole wheat flour, gehun ka atta)
4 ટેબલસ્પૂન ચણાનો લોટ ( besan )
1 ટેબલસ્પૂન રવો (સોજી) (rava / sooji)
1/2 ટીસ્પૂન જીરું ( cumin seeds, jeera)
1/2 ટીસ્પૂન સાકર (sugar)
2 1/4 ટીસ્પૂન તેલ ( oil )
1 ટીસ્પૂન રાઇ (mustard seeds ( rai / sarson)
1 ટીસ્પૂન તલ (sesame seeds, til)
1/4 ટીસ્પૂન હીંગ (asafoetida, hing)
પાલક મેથી ના મુથિયા સાથે પીરસવા માટે
વિધિ
- પાલક મેથી ના મુઠિયા બનાવવા માટે, એક પ્લેટમાં પાલક, મેથી અને થોડું મીઠું નાખી, સારી રીતે મિક્સ કરો અને લગભગ ૫ મિનિટ માટે બાજુ પર રાખો.
- પાલક અને મેથીને નિચોવીને પાણી કાઢી એક બાઉલમાં મૂકો.
- આદુ-લીલા મરચાંની પેસ્ટ, ઘઉંનો લોટ, ચણાનો લોટ, રવો, જીરું, બેકીંગ સોડા, સાકર, મીઠું અને ૧ ટીસ્પૂન તેલ ઉમેરીને એકદમ નરમ કણિક બાંધો.
- તમારા હાથ પર ૧/૪ ટીસ્પૂન તેલ લગાવો અને લોટને ૪ સરખા ભાગમાં વહેંચો. દરેક ભાગને ઘાટ આપી લગભગ ૧૫૦ મી. મીં. (૬”)ની લંબાઇ અને ૨૫ મી. મી. (૧”)ના વ્યાસનો નળાકાર રોલ બનાવો.
- રોલ્સને ગ્રીસ કરેલી ચાળણી પર ગોઠવો અને સ્ટીમરમાં ૨૦ થી ૨૫ મિનિટ સુધી બાફી લો.
- સ્ટીમરમાંથી બહાર કાઢી થોડું ઠંડું થવા દો અને પછી તેને ૧૨ મી. મી. (૧/૨ ”)ના સ્લાઇસમાં કાપી બાજુ પર રાખો.
- વધાર માટે, એક ઊંડા પેનમાં બાકીનું ૧ ટીસ્પૂન તેલ ગરમ કરો અને તેમાં રાઇ અને તલ ઉમેરો.
- જ્યારે દાણા તતડવા લાગે, ત્યારે તેમાં હિંગ ઉમેરીને ૧૫ સેકન્ડ માટે સાંતળો.
- સ્લાઇસ કરેલા પાલક મેથી ના મુથિયા ઉમેરો, ધીમા તાપ પર ૨ થી ૩ મિનિટ સુધી આછા બ્રાઉન રંગના થાય ત્યાં સુધી સાંતળી લો.
- પાલક મેથી ના મુઠિયા ને લીલી ચટણી સાથે ગરમાગરમ પીરસો.
- પાલક મેથી ના મુઠિયા ને પુરી રીતે બફાતા મધ્યમ તાપ લગભગ ૨૦ મિનિટ લાગશે.
- પાલક મેથી ના મુઠિયા તૈયાર છે કે નહીં તે તપાસવા માટે, તેના મધ્યમાં ટૂથપીક નાખો. જો તે સાફ થઈ જાય તો પાલક મેથી ના મુથિયા રાંધાય ગયા છે.
