You are here: હોમમા> વિવિધ વ્યંજન > ભારતીય વ્યંજન > મસૂરની દાળ અને પાલકની ખીચડી
મસૂરની દાળ અને પાલકની ખીચડી
Tarla Dalal
24 April, 2025
Table of Content
ખીચડી એક મજેદાર ભારતીય વાનગી છે. તે બનાવવામાં ખૂબ જ સરળ છે અને એટલી સંતોષકારક વાનગી છે કે તે કોઇ પણ જમણમાં પીરસી શકાય પછી ભલે તે સવારનું જમણ હોય કે રાત્રીનો. ખીચડીમાં ખૂબ બધી નવીનતા હોઇ શકે અને તમે પણ તમારી રીતે અલગ અલગ દાળ, મસાલા અને શાકભાજીનું સંયોજન બનાવીને તેને વિવિધ રીતે રાંધી શકો છો. મસૂરની દાળ અને પાલકની ખીચડી એક એવી આરોગ્યદાયક ખીચડી છે જેમાં સ્વાસ્થ્પ્રદ પાલક અને ઉર્જા આપનાર બટાટા સાથે સામાન્ય મસાલા વડે તેને તૈયાર કરવામાં આવી છે.
Tags
Preparation Time
10 Mins
Cooking Time
18 Mins
Total Time
28 Mins
Makes
4 માત્રા માટે
સામગ્રી
Main Ingredients
1/2 કપ ચોખા (chawal) , ધોઇને નીતારી લીધેલા
1/2 કપ મસૂરની દાળ , ધોઇને નીતારી લીધેલી
1 કપ સમારેલી પાલક (chopped spinach)
1 ટેબલસ્પૂન તેલ ( oil )
1 ટીસ્પૂન જીરું ( cumin seeds, jeera)
1/4 ટીસ્પૂન હીંગ (asafoetida, hing)
2 ટીસ્પૂન લીલા મરચાંની પેસ્ટ (green chilli paste)
1/4 ટીસ્પૂન હળદર (turmeric powder, haldi)
1/2 કપ બટાટાના ટુકડા
મીઠું (salt) , સ્વાદાનુસાર
પીરસવા માટે
વિધિ
- એક પ્રેશર કુકરમાં તેલ ગરમ કરી તેમાં જીરૂ ઉમેરો.
- જ્યારે દાણા તતડવા માંડે, ત્યારે તેમાં હીંગ, લીલા મરચાંની પેસ્ટ અને હળદર મેળવી મધ્યમ તાપ પર ૩૦ સેકંડ સુધી સાંતળી લો.
- પછી તેમાં પાલક અને બટાટા મેળવી, સારી રીતે મિક્સ કરી મધ્યમ તાપ પર ૨ મિનિટ સુધી વચ્ચે-વચ્ચે હલાવતા રહી રાંધી લો.
- પછી તેમાં ચોખા, મસૂરની દાળ, મીઠું અને ૩ કપ પાણી મેળવી સારી રીતે મિક્સ કરી પ્રેશર કુકરની ૩ સીટી સુધી રાંધી લો.
- પ્રેશર કુકરનું ઢાંકણ ખોલતા પહેલા તેની વરાળ નીકળી જવા દો.
- તાજા દહીં સાથે તરત જ પીરસો.
