You are here: હોમમા> વિવિધ વ્યંજન > ઇટાલીયન વ્યંજન > ઇટાલિયન વેજ પાસ્તા > બેકડ પાંવ ભાજી પાસ્તા ની રેસીપી
બેકડ પાંવ ભાજી પાસ્તા ની રેસીપી
Tarla Dalal
02 January, 2025
Table of Content
જ્યારે કોઇ અતિ માનીતી દેશી વાનગીનો ફેરફાર કરી પ્રખ્યાત પરદેશીય વાનગીમાં રૂપાંતર કરવામાં આવે, ત્યારે મળતું પરિણામ એટલે પાંવ ભાજીનું ઇટાલીયન રૂપ બેકડ પાંવ ભાજી પાસ્તા.
અહીં ફ્યુસિલીને પાંવ ભાજી મસાલાવાળા શાકભાજી સાથે રાંધીને તેમાં ક્રીમ અને હર્બ્સ્ મેળવી તેને વધુ સુગંધી અને સ્વાદિષ્ટ બનાવવામાં આવ્યા છે.
આ મજેદાર પાસ્તાની ઉપર ચીઝ અને રંગબેરંગી સિમલા મરચાંની પટ્ટીઓ વડે સજાવીને બેક કરવામાં આવ્યું છે. આ પાંવ ભાજી પાસ્તાના દરેક કોળીયામાં તમને વિવિધ પ્રકારના સ્વાદ અને સુગંધ માણવા મળશે.
પાસ્તા ઇન રેડ સૉસ અને પાસ્તા ઇન વાઇટ સૉસ પણ અજમાવો .
Tags
Preparation Time
15 Mins
Cooking Time
8 Mins
Total Time
23 Mins
Makes
4 માત્રા માટે
સામગ્રી
Main Ingredients
2 ટીસ્પૂન પાવ ભાજી મસાલો (pav bhaji masala)
2 કપ રાંધેલી ફ્યુસિલી
1 ટેબલસ્પૂન માખણ (butter, makhan)
1 ટીસ્પૂન જેતૂનનું તેલ (olive oil)
1 ટેબલસ્પૂન ખમણેલી કોબી
1/4 કપ સમારેલા કાંદા (chopped onions)
1/2 કપ સમારેલા ટામેટા (chopped tomatoes)
1 ટીસ્પૂન ગરમ મસાલો (garam masala)
1/2 ટીસ્પૂન લાલ મરચાંનો પાવડર (red chilli powder)
1/2 કપ સમારેલા સિમલા મરચાં (chopped capsicum)
1/2 કપ દૂધ (milk)
1/4 કપ તાજું ક્રીમ (fresh cream)
1/2 કપ ખમણેલું પ્રોસેસ્ડ ચીઝ (grated processed cheese)
5 બેસિલ , ટુકડા કરેલા
2 ટીસ્પૂન સૂકો ઑરેગાનો (dried oregano)
1 ટીસ્પૂન સૂકા લાલ મરચાંના ફ્લેક્સ્ (dry red chilli flakes)
મીઠું (salt) , સ્વાદાનુસાર
1/4 કપ સીમલા મરચાંની પટ્ટી (લાલ , પીળા અને લીલા)
સૂકો ઑરેગાનો (dried oregano) , છાંટવા માટે
વિધિ
- એક પહોળા નૉન-સ્ટીક પૅનમાં માખણ અને જેતૂનનું તેલ ગરમ કરી, તેમાં લસણ અને કાંદા ઉમેરી મધ્યમ તાપ પર ૧ મિનિટ સુધી સાંતળી લો.
- તે પછી તેમાં ટમેટા ઉમેરી, સારી રીતે મિક્સ કરી મધ્યમ તાપ પર ૨ થી ૩ મિનિટ સુધી વચ્ચે-વચ્ચે હલાવતા રહી રાંધી લો.
- તે પછી તેમાં પાંવ ભાજી મસાલો, ગરમ મસાલો, મરચાં પાવડર અને સિમલા મરચાં મેળવી સારી રીતે મિક્સ કરી મધ્યમ તાપ પર ૨ મિનિટ સુધી વચ્ચે-વચ્ચે હલાવતા રહી રાંધી લો.
- તે પછી તેમાં ફ્યુસિલી, દૂધ, તાજું ક્રીમ, ૧/૪ કપ ચીઝ, બેસિલ, ઑરેગાનો, મરચાંના ફ્લેક્સ્ અને મીઠું ઉમેરી, સારી રીતે મિક્સ કરી મધ્યમ તાપ પર ૨ મિનિટ સુધી વચ્ચે-વચ્ચે હલાવતા રહી રાંધી લો.
- આ ફ્યુસિલીને એક માખણ ચોપડેલી બેકીંગ ડીશમાં મૂકી, તેની પર બાકી રહેલું ૧/૪ કપ ચીઝ છાંટી લીધા પછી ઉપર રંગીન સિમલા મરચાંની પટ્ટીઓ મૂકીને થોડું ઑરેગાનો સરખી રીતે છાંટી લો.
- આમ તૈયાર થયેલી બેકીંગ ડીશને આગળથી ગરમ કરેલા ઑવનમાં ૨૦૦° સે (૪૦૦° ફે) તાપમાન પર ૧૫ મિનિટ સુધી બેક કરી લો.
- તરત જ પીરસો.
