You are here: હોમમા> વિવિધ વ્યંજન > ભારતીય વ્યંજન > દક્ષિણ ભારતીય વ્યંજન | દક્ષિણ ભારતીય વાનગીઓ | > ફણગાવેલા મઠ અને કોથમીરના ઉત્તપા
ફણગાવેલા મઠ અને કોથમીરના ઉત્તપા
Tarla Dalal
02 October, 2023
Table of Content
એક અનોખા, એવા આ ફણગાવેલા મઠ અને કોથમીરના મીની ઉત્તાપાના ખીરામાં ફણગાવેલા મઠને કોથમીર, લીલા મરચાંની પેસ્ટ અને બીજા મસાલા વડે સ્વાદિષ્ટ બનાવવામાં આવ્યા છે. અહીં ખીરાને આથો આપવાની કે પલાળી રાખવાની ક્રિયા કરવાની જ નથી કારણકે તેમાં ફણગાવેલા મઠ મેળવવામાં આવ્યા છે. આ ઉત્તાપા નાની સાઇઝના બનાવી ચરબીયુક્ત નાળિયેરની ચટણીના બદલે ફૂદીના અને કાંદાની ચટણી સાથે પીરસો અને જુઓ કે તમારા જમણમાં કઠોળનો કેવી પૌષ્ટિક રીતે ઉપયોગ થઇ શકે છે.
Tags
Soaking Time
0
Preparation Time
10 Mins
Cooking Time
15 Mins
Baking Time
0 Mins
Baking Temperature
0
Sprouting Time
0
Total Time
25 Mins
Makes
21 મીની ચીલા માટે
સામગ્રી
Main Ingredients
1 1/2 કપ ફણગાવેલા મઠ (sprouted matki )
1/4 કપ સમારેલી કોથમીર (chopped coriander)
1 ટીસ્પૂન લીલા મરચાંની પેસ્ટ (green chilli paste)
1/4 ટીસ્પૂન જીરું ( cumin seeds, jeera)
1/4 ટીસ્પૂન હીંગ (asafoetida, hing)
મીઠું (salt) , સ્વાદાનુસાર
1 3/4 ટીસ્પૂન તેલ ( oil ) , ચોપડવા અને રાંધવા માટે
પીરસવા માટે
વિધિ
- એક મિક્સરની જારમાં મઠ અને ૧/૨ કપ પાણી મેળવી સુંવાળું મિશ્રણ તૈયાર કરો.
- આ મિશ્રણને એક બાઉલમાં મૂકી, તેમાં બાકી રહેલી બધી વસ્તુઓ મેળવી સારી રીતે મિક્સ કરી લો.
- એક મિની ઉત્તાપાના પૅનને ૧/૪ ટીસ્પૂન તેલ વડે ચોપડી લો.
- તેની પર ૧ ટેબલસ્પૂન જેટલું ખીરૂં ઉત્તાપાના દરેક ૭ મોલ્ડમાં રેડી સરખી રીતે ૭૫ મી. મી. (૩")ના ગોળાકાર ઉત્તાપા તૈયાર કરી લો.
- આ ૭ ઉત્તાપાને ૧/૨ ટીસ્પૂન જેટલા તેલ વડે બન્ને બાજુએથી બ્રાઉન રંગના થાય ત્યાં સુધી રાંધી લો.
- આમ બાકીના ૧૪ ઉત્તાપા રીત ક્રમાંક ૪ અને ૫ મુજબ વધુ ૨ જુથમાં બનાવીને તૈયાર કરી લો.
- ફુદીના અને કાંદાની ચટણી સાથે તરત જ પીરસો.
