You are here: હોમમા> વિવિધ વ્યંજન > ભારતીય વ્યંજન > રાજસ્થાની વ્યંજન | રાજસ્થાની વાનગીઓ | રાજસ્થાની રેસિપી | > પ્યાઝ કી કચોરી રેસીપી (ડુંગળી કચોરી)
પ્યાઝ કી કચોરી રેસીપી (ડુંગળી કચોરી)
Tarla Dalal
• Updated : Aug 05, 2025
Table of Content
આ પ્યાઝ કી કચોરી મૂળ તો જોધપુરમાંથી ઉત્પન થયેલી ગણી શકાય, પરંતુ આજકાલ તે પૂરા રાજસ્થાનમાં પ્રખ્યાત થઇ ગઇ છે. બહુ ઓછા લોકો આ તળેલી કાંદાના પૂરણવાળી કચોરી ઘરે બનાવે છે. રાજસ્થાનની નમકીનની કોઇપણ દુકાનમાં આ ગરમા-ગરમ કાંદાની કચોરી અથવા કાંદા-બટાટાની કચોરી તૈયાર મળતી જ હોય છે.
બીજી કચોરીની જેમ આ કચોરી પણ મીઠી અને મસાલાવાળી આમલીની ચટણી સાથે સ્વાદિષ્ટ લાગે છે. આ કચોરી તમે વહેલી તૈયાર કરીને જ્યારે પીરસવાનો સમય થાય ત્યારે ઑવનમાં ફરીથી ગરમ કરી શકો. બપોરના નાસ્તા માટે આ કચોરી એક આદર્શ વાનગી ગણી શકાય. અને, તેને જ્યારે તમે વરસાદના દીવસોમાં બનાવીને પીરસસો ત્યારે તે વધુ આનંદદાઇ પૂરવાર લાગશે.
Tags
Soaking Time
0
Preparation Time
15 Mins
Cooking Time
37 Mins
Baking Time
0 Mins
Baking Temperature
0
Sprouting Time
0
Total Time
52 Mins
Makes
12 કચોરી
સામગ્રી
પ્યાઝ કી કચોરી ના કણિક માટે
2 કપ મેંદો (plain flour , maida)
1/4 કપ ઘી (ghee)
મીઠું (salt) , સ્વાદાનુસાર
પ્યાઝ કી કચોરી ના કાંદાના પૂરણ માટે
2 કપ સમારેલા કાંદા (chopped onions)
2 ટેબલસ્પૂન તેલ ( oil )
1 ટીસ્પૂન કલોંજી (nigella seeds, kalonji)
2 ટીસ્પૂન વરિયાળી (fennel seeds (saunf)
2 તમાલપત્ર (bay leaf (tejpatta)
1 1/2 ટીસ્પૂન સમારેલા લીલા મરચાં (chopped green chillies)
2 ટેબલસ્પૂન ચણાનો લોટ ( besan )
2 ટીસ્પૂન ધાણા પાવડર (coriander (dhania) powder)
2 ટીસ્પૂન લાલ મરચાંનો પાવડર (red chilli powder)
1 ટીસ્પૂન ગરમ મસાલો (garam masala)
મીઠું (salt) , સ્વાદાનુસાર
3 ટેબલસ્પૂન સમારેલી કોથમીર (chopped coriander)
બીજી જરૂરી વસ્તુઓ
તેલ ( oil ) , તળવા માટે
વિધિ
આગળની રીત
- તૈયાર કરેલી કણિકના ૧૨ સરખા ભાગ પાડી લો.
- દરેક ભાગને ૭૫ મી. મી. (૩”)ના વ્યાસના ગોળાકારમાં વણી લો.
- તે પછી એક વણેલા ભાગ પર પૂરણને એક ભાગ તેની મધ્યમાં મૂકી દો.
- તે પછી તેની બધી બાજુઓ વાળીને સજ્જડ રીતે બંધ કરી લો અને જો ઉપર વધારાનો લોટ થાય તો તેને કાઢી લો.
- આમ પૂરણ ભરીને તૈયાર થયેલા ભાગને ફરીથી ૬૩ મી. મી. (૨ ૧/૨”)ના વ્યાસના ગોળાકારમાં વણી લો. પરંતુ ધ્યાન રાખશો કે પૂરણ બહાર ન આવે.
- રીત ક્રમાંક ૨ થી ૫ મુજબ બીજી ૧૧ કચોરી પણ તૈયાર કરી લો.
- હવે એક ઊંડા નૉન-સ્ટીક પૅનમાં તેલ ગરમ કરી એક સાથે ૪ કચોરીને ધીમા તાપે ૧૦ મિનિટ સુધી હળવેથી ઉપર નીચે કરતા રહી તળી લીધા પછી બહાર કાઢીને ટીશ્યુ પેપર પર મૂકી બાજુ પર રાખો.
- રીત ક્રમાંક ૭ મુજબ બીજી 2 જૂથમાં ૮ કચોરી તળી લો.
- તરત જ પીરસો.
પ્યાઝ કી કચોરી ના કણિક માટે
- એક ઊંડા બાઉલમાં બધી વસ્તુઓ ભેગી કરી તેમાં જરૂરી પાણી મેળવી મધ્યમ કઠણ કણિક બનાવી ૪ થી ૫ મિનિટ સુધી ગુંદી લો.
- આ કણિકને મલમલના કપડા વડે ઢાંકીને ૧૫ મિનિટ માટે બાજુ પર રાખો.
પ્યાઝ કી કચોરી ના કાંદાના પૂરણ માટે
- એક પહોળા નૉન-સ્ટીક પૅનમાં તેલ ગરમ કરી તેમાં કંલોજી, વરિયાળી, તમાલપત્ર, લીલા મરચાં અને કાંદા મેળવી મધ્યમ તાપ પર ૫ મિનિટ સુધી સાંતળી લો.
- તે પછી તેમાં ચણાનો લોટ, ધાણા પાવડર, મરચાં પાવડર, ગરમ મસાલો અને મીઠું મેળવી સારી રીતે મિક્સ કરી મધ્યમ તાપ પર ૨ મિનિટ સુધી વચ્ચે-વચ્ચે હલાવતા રહી રાંધી લો.
- હવે આ મિશ્રણને તાપ પરથી નીચે ઉતારી તેમાં કોથમીર મેળવી સારી રીતે મિક્સ કરી લો.
- આ મિશ્રણમાંથી તમાલપત્ર કાઢીને ફેંકી દો.
- તે પછી મિશ્રણના ૧૨ સરખા ભાગ પાડી બાજુ પર રાખો.
પ્લેટ દીઠ પોષક મૂલ્યો (સંક્ષિપ્ત)
| ઊર્જા | 186 કૅલ |
| પ્રોટીન | 2.8 ગ્રામ |
| કાર્બોહાઇડ્રેટ | 17.5 ગ્રામ |
| ફાઇબર | 0.6 ગ્રામ |
| ચરબી | 11.7 ગ્રામ |
| કોલેસ્ટ્રોલ | 0 મિલિગ્રામ |
| સોડિયમ | 5 મિલિગ્રામ |
પયઆઝ કઈ કચોરી માં કેટલી કેલરી છે? કેલરી માટે અહીં ક્લિક કરો
