You are here: હોમમા> વિવિધ વ્યંજન > ભારતીય વ્યંજન > મહારાષ્ટ્રીયન રેસીપી > ચોળાના પાનની ભાજી
ચોળાના પાનની ભાજી
Tarla Dalal
28 November, 2016
Table of Content
આ ચોળાના પાનની ભાજી ખૂબ જ સ્વાદિષ્ટ બને છે જેમાં ભરપૂર માત્રામાં લોહતત્વ અને પ્રોટીન છે. આ ભાજી ઘરના રોજના જમણમાં બનાવી શકાય એવી છે કારણકે એમાં ફક્ત ફણગાવેલા કઠોળ અને ચવલીના પાન સાથે બીજી સામાન્ય સામગ્રીનો ઉપયોગ કરી તેને સાદી રીતે બનાવવામાં આવી છે, જેથી તેનો સ્વાદ અને પૌષ્ટિક્તા બન્ને જળવાઇ રહે છે. આ શાક જ્યારે રોટી , દાળ અને ભાત સાથે પીરસવામાં આવે છે ત્યારે તે એક સંતુષ્ટ જમણનો અહેસાસ આપે છે.
Tags
Preparation Time
20 Mins
Cooking Time
25 Mins
Total Time
45 Mins
Makes
4 માત્રા માટે
સામગ્રી
Main Ingredients
6 કપ સમારેલા ચોળાના પાન
1 1/2 ટીસ્પૂન તેલ ( oil )
2 ટીસ્પૂન રાઇ (mustard seeds ( rai / sarson)
1/2 ટીસ્પૂન હીંગ (asafoetida, hing)
1/2 ટીસ્પૂન હળદર (turmeric powder, haldi)
1 1/2 ટેબલસ્પૂન લાલ મરચાંનો પાવડર (red chilli powder)
2 ટીસ્પૂન લસણની પેસ્ટ (garlic paste)
1/2 કપ સમારેલા કાંદા (chopped onions)
1 કપ ફણગાવેલા મગ (sprouted moong)
એક ચપટીભર સાકર (sugar)
મીઠું (salt) , સ્વાદાનુસાર
સજાવવા માટે
3 ટેબલસ્પૂન સમારેલી કોથમીર (chopped coriander)
વિધિ
- એક કઢાઇમાં તેલ ગરમ કરી તેમાં રાઇ નાંખો.
- જ્યારે દાણા તતડવા માંડે, ત્યારે તેમાં હીંગ, હળદર, મરચાં પાવડર અને લસણની પેસ્ટ મેળવી મધ્યમ તાપ પર ૧ મિનિટ સુધી સાંતળી લો.
- તે પછી તેમાં કાંદા મેળવી મધ્યમ તાપ પર વધુ ૨ મિનિટ અથવા કાંદા નરમ થાય બને ત્યાં સુધી સાંતળી લો.
- તે પછી તેમાં ચોળાના પાન અને ફણગાવેલા મગ મેળવી મધ્યમ તાપ પર ૨ મિનિટ સુધી સાંતળી લો.
- છેલ્લે તેમાં ૨ કપ પાણી, સાકર અને મીઠું મેળવી, સારી રીતે મિક્સ કરી કઢાઇને ઢાંકી ધીમા તાપ પર ૧૫ થી ૨૦ મિનિટ સુધી અથવા મગ બરોબર રંધાઇ જાય ત્યાં સુધી રાંધી લો. ભાજીને વચ્ચે-વચ્ચે હલાવતા રહો જેથી શાક પૅનના તળીયામાં ચીટકી ન જાય.
- કોથમીર વડે સજાવીને તરત જ પીરસો.
