You are here: હોમમા> કોર્ન પાનકી રેસીપી
કોર્ન પાનકી રેસીપી
Tarla Dalal
11 March, 2023
Table of Content
કોર્ન પાનકી | ગુજરાતી સ્વીટ કોર્ન પાનકી | કોર્ન પાનકી રેસીપી | corn and coriander panki in gujarati | with 31 amazing images.
જ્યારે મકાઇની સીઝન હોય ત્યારે આ કોર્ન પાનકી નાસ્તા માટેની મજેદાર વાનગી બનાવવા જેવી છે. કોથમીર અને લીલા મરચાંનું મિશ્રણ તેને વધુ સ્વાદીષ્ટ બનાવે છે. આ પાનકીને જ્યારે કેળાના પાનમાં વીટાળીને બનાવવામાં આવે છે ત્યારે એની ખુશ્બુ અકબંધ રહે છે. આ પાનકીને ગરમ ગરમ પીરસો.
કોર્ન પાનકી માટે ટિપ્સ. ૧. તમે અગાઉથી બેટર બનાવી શકો છો અને જ્યારે તમે તેને ખાવા માંગતા હો ત્યારે પેનકેક તૈયાર કરી શકો છો. ૨. પાનકી એટલે કેળાના પાન અથવા મકાઈના પાન વચ્ચે રાંધવામાં આવે છે. તરલા દલાલના સભ્યએ સૂચન કર્યું કે તમે મકાઈના પાનનો પણ ઉપયોગ કરી શકો છો અને તે સારું કામ કરે છે. ૩. તમે તવા પર એક સમયે ૩ થી ૪ પેનકેક બનાવી શકો છો. ૪. જો મિશ્રણ ખૂબ પાણીયુક્ત હોય તો તેમાં ચણાનો લોટ ઉમેરો. ૫. મહેમાનોને પીરસતી વખતે કેળાના પાન કાઢી લો. આ રીતે પાનકી ગરમ રહેશે અને વરાળ જળવાઈ રહેશે.
કોર્ન પાનકી રેસીપી - Corn Panki recipe in Gujarati
Tags
Preparation Time
10 Mins
Cooking Time
20 Mins
Total Time
30 Mins
Makes
8 પાનકી
સામગ્રી
કોર્ન પાનકી માટે
1 કપ ખમણેલી મીઠી મકાઇના કણસલા (grated sweet corn cob)
2 ટેબલસ્પૂન સમારેલી કોથમીર (chopped coriander)
2 ટીસ્પૂન સમારેલા લીલા મરચાં (chopped green chillies)
2 ટેબલસ્પૂન રવો (સોજી) (rava / sooji)
1/4 કપ ચણાનો લોટ ( besan )
મીઠું (salt) , સ્વાદાનુસાર
16 કેળના પાન , પકવવા માટે
તેલ ( oil ) , ચોપડવા માટે
કોર્ન પાનકી સાથે પીરસવા માટે
વિધિ
કોર્ન પાનકી માટે
- કોર્ન પાનકી બનાવવા માટે, એક ઊંડા બાઉલમાં ૨ ટેબલસ્પૂન પાણી સાથે બધી સામગ્રી ભેગી કરો અને સારી રીતે મિક્સ કરો.
- કેળાના દરેક પાનની એક બાજુ પર થોડું તેલ લગાવો અને બાજુ પર રાખો.
- કેળાના પાનના અડધા ભાગ પર ૨ ટેબલસ્પૂન જેટલું ખીરૂ સરખી રીતે પાથરી લો.
- તેની પર બીજો એક તેલ ચોપડેલો કેળનો પાન મૂકો અને તેને હળવા હાથે દબાવો.
- એક નોન-સ્ટીક તવા પર ત્યાં સુધી રાંધો જ્યાં સુધી પાંદડા પર હળવા બ્રાઉન ફોલ્લીઓ ન પડે અને પાનકી તેની જાતે જ અલગ થઈ જાય.
- વધેલા ખીરાથી બાકીની ૭ પાનકી તૈયાર કરી લો.
- કોર્ન પાનકીને લીલી ચટણી સાથે તરત જ પીરસો.
હાથવગી સલાહ:
- તમે તવા પર એક સમયે ૩ થી ૪ પાનકી બનાવી શકો છો.
