You are here: હોમમા> વિવિધ વ્યંજન > અમેરીકન વ્યંજન > અમેરીકન આઈસ્ક્રીમ અને ડૅઝર્ટસ્ > એપલ પાય ની રેસીપી
એપલ પાય ની રેસીપી
Tarla Dalal
02 January, 2025
Table of Content
આખી દુનિયામાં સર્વસામાન્ય મનપસંદ એવું આ એપલ પાય છે, જે ઘણા લોકોને એટલું પસંદ પડી ગયું હોય છે કે તેઓ સવારના નાસ્તા સાથે, ફરી જમણ સાથે અને તે પછી પણ તેનો આનંદ માણતા અચકાતા નથી.
અહીં આ એપલ પાય બનાવવાની પારંપારિક રીત રજૂ કરી છે, જેમાં એપલની નરમાશ સાથે સહેજ તજનો સ્વાદ અને બદામનો કરકરો સ્વાદ તમને બાકી બધુ ભુલાવી દેશે. આ એપલ પાયને વેનીલા આઇસક્રીમ સાથે નવશેકું પીરસો અને અનેરો સ્વાદ માણો.
Tags
Preparation Time
20 Mins
Cooking Time
10 Mins
Total Time
30 Mins
Makes
1 માત્રા માટે
સામગ્રી
કણિક માટે
3 કપ મેંદો (plain flour , maida)
1/2 ટીસ્પૂન બેકિંગ પાવડર
1/2 કપ સાકર (sugar)
1 કપ નરમ માખણ
સફરજનના પૂરણ માટે
3 કપ સફરજના ટુકડા
1 ટેબલસ્પૂન લીંબુનો રસ (lemon juice)
1/2 કપ સાકર (sugar)
1 ટીસ્પૂન તજનો પાવડર (cinnamon (dalchini) powder)
2 ટેબલસ્પૂન કિસમિસ
2 ટેબલસ્પૂન સમારેલી બદામ
બીજી જરૂરી વસ્તુઓ એપલ પાયની રેસીપી બનાવવા માટે
દૂધ (milk) , ચોપડવા માટે
એપલ પાય સાથે પીરસવા માટે
વિધિ
- તૈયાર કરેલી કણિકના ૩ સરખા ભાગ પાડી બે ભાગ એક સાથે અને એક ભાગ અલગ રાખો.
- હવે ૨ ભાગવાળી કણિકને ૩૦૦ મી. મી. (૧૨”)ના ગોળાકારમાં વણી લો. વણતા સમયે તેની કીનારીઓને તમારા હાથથી સમતલ કરતાં રહો.
- વણેલા ગોળને એક તરફથી બીજી તરફ લઇ જઇને ઉપાડી લો. પછી તેને ૨૫૦ મી. મી. (૧૦”)વાળા છુટું પડે તેવા એલ્યુમિનિયમના કેક ટીનની મધ્યમાં મૂકીને ખોલી લો. તે પછી તેને ટીનના તળીયા પર અને કીનારીઓ પર સરખી રીતે આંગળીઓ વડે દબાવી લો. પછી જો ટીનની કીનારીઓ પર કણિક રહી ગઇ હોય તો કાઢી લો.
- હવે મધ્યમાં સફરજનનું પૂરણ મૂકી તેને ચમચા વડે સરખી રીતે ફેલાવીને બાજુ પર રાખો.
- હવે કણિકના બાકી રહેલા એક ભાગને ૩૦૦ મી. મી. (૧૨”)ના વ્યાસના ગોળાકારમાં વણીને રીત ક્રમાંક ૩ મુજબ એક કીનારીએથી લઇ જઇને ઉપાડી લો.
- આ વણેલા કણિકના ગોળને સફરજનના પૂરણ પર મૂકી તેને ખોલી લો અને ફરી નીચેની બાજુએ અને ટીનની કીનારીઓ પર આંગળીઓ વડે સરખી રીતે દબાવી લો. અહીં ધ્યાન રાખવાનું છે કે સફરજનનું પૂરણ આ ગોળા વડે સંપૂર્ણ રીતે ઢંકાઇ જવું જોઇએ.
- હવે એક ચપ્પુ વડે ઉપર બચેલી કણિકને એવી રીતે કાપવી કે સફરજનનું પૂરણ સંપૂર્ણ ઢંકાય અને બાકી રહેલી કણિકને કાપીને કાઢી નાખવી.
- હવે ટીનની કીનારીઓ પર રહેલી કણિકને સૌ પ્રથમ તમારા અંગુઠા વડે અને પછી ફોર્ક (fork) વડે સરખી રીતે દબાવી લો.
- હવે ફોર્ક (fork) વડે પાયની ઉપરની બાજુ પર સરખા અંતરે થોડા કાંપા પાડી લો.
- પછી પાયની ઉપર બ્રશની મદદથી થોડું દૂધ લગાડીને આગળથી ગરમ કરેલા ઑવનમાં ૧૮૦˚ સે (૩૬૦˚ ફે) તાપમાન પર ૩૫ થી ૪૦ મિનિટ સુધી બેક કરી લો.
- સહેજ ઠંડું કરીને એપલ પાયને ટીનમાંથી કાઢી લો.
- તેના ૬ સરખા ટુકડા કરીને વેનીલા આઇસક્રીમ સાથે નવશેકું પીરસો.
- એક ઊંડા બાઉલમાં મેંદો, બેકીંગ પાવડર અને પીસેલી સાકર મેળવી સારી રીતે મિક્સ કરી લો.
- તે પછી તેમાં નરમ માખણ મેળવી સારી રીતે મિક્સ કરી બહુ નરમ નહીં તેમ જ બહુ કઠણ નહીં એવી કણિક જરૂરી પાણી વડે તૈયાર કરી ઢાંકીને બાજુ પર રાખો.
- એક ઊંડા બાઉલમાં સફરજન અને લીંબુનો રસ મેળવી સારી રીતે મિક્સ કરી લો.
- હવે એક ઊંડા નૉન-સ્ટીક પૅનમાં સફરજન-લીંબુનું મિશ્રણ, સાકર, તજનો પાવડર, કીસમીસ અને બદામ મેળવી સારી રીતે મિક્સ કરી પૅનને ઢાંકીને મધ્યમ તાપ પર ૮ મિનિટ સુધી વચ્ચે-વચ્ચે હલાવતા રહી અને તેને ચમચાના પાછળના ભાગ વડે મસળતા રહી રાંધી લો.
- પૅનનું ઢાંકણ ખોલી લીધા પછી પછી તેને મધ્યમ તાપ પર વધુ ૨ મિનિટ સુધી વચ્ચે-વચ્ચે હલાવતા રહી રાંધી લીધા પછી બાજુ પર રાખો.
- આ પાય બનાવવા માટે સફરજન નરમ નહીં પણ સખત હોવા જોઇએ.
