You are here: હોમમા> કોર્સ, મુખ્ય કોર્સ વાનગીઓ, શરુ, મીઠાઈઓ > મેન કોર્સ રેસીપી > પરાઠા રેસિપિ | ભારતભરમાં પરાઠા રેસિપિનો સંગ્રહ | પરાઠા રેસીપી માર્ગદર્શિકા | > ગાર્લિક ચીઝ નાન રેસીપી (ખમીર વિના તવા નાન)
ગાર્લિક ચીઝ નાન રેસીપી (ખમીર વિના તવા નાન)
Tarla Dalal
• Updated : Feb 24, 2025
Table of Content
આવો, આપણે સાદા નાનને એક ભપકાદાર અને નવી રીતે વધુ સ્વાદિષ્ટ બનાવીને સાદા નાનથી અધિક આનંદ માણીએ. આ ગાર્લિક ચીઝ નાનમાં લસણ અને ચીઝના મિશ્રણને નાનની કણિકમાં ભરીને વણવામાં આવ્યા છે. આ નાનનો સ્વાદ એવો મજેદાર બને છે કે તમારા મુખના હાવભાવ તરત જ બદલાઇ જશે. આ નાનની મજા તમે કોઇપણ શાક સાથે અથવા તો તેને નાની સાઇઝના બનાવી પાર્ટીમાં સ્ટાર્ટર તરીકે પણ પીરસી શકાય એવા છે. આ નાન દાલ ફ્રાય અને મખ્ખની પનીર સાથે ખૂબ જ મજેદાર લાગશે.
ગાર્લિક ચીઝ નાન - Garlic Cheese Naan, Tava Naan Without Yeast recipe in Gujarati
Tags
Soaking Time
0
Preparation Time
15 Mins
Cooking Time
20 Mins
Baking Time
0 Mins
Baking Temperature
0
Sprouting Time
0
Total Time
35 Mins
Makes
10 નાન
સામગ્રી
Main Ingredients
10 ટીસ્પૂન ખમણેલું લસણ (grated garlic)
15 ટેબલસ્પૂન ખમણેલું પ્રોસેસ્ડ ચીઝ (grated processed cheese)
1 કપ ઘઉંનો લોટ (whole wheat flour, gehun ka atta)
1 કપ મેંદો (plain flour , maida)
1 ટીસ્પૂન બેકિંગ પાવડર (baking powder)
1/4 ટીસ્પૂન બેકીંગ સોડા (baking soda)
1 1/2 ટીસ્પૂન સાકર (sugar)
2 ટેબલસ્પૂન દહીં (curd, dahi)
2 ટેબલસ્પૂન નરમ માખણ (soft butter)
મીઠું (salt) , સ્વાદાનુસાર
ઘઉંનો લોટ (whole wheat flour, gehun ka atta) , વણવા માટે
5 ટીસ્પૂન પીગળાવેલું માખણ (melted butter) , ચોપડવા માટે
વિધિ
- એક ઊંડા બાઉલમાં લસણ અને ચીઝ સિવાયની બાકીની બધી વસ્તુઓ મેળવી તેમાં જરૂરી પાણી ઉમેરી નરમ કણિક તૈયાર કરો.
- આ કણિકને ઢાંકીને હુંફાળી જગ્યા પર ૧ કલાક રહેવા દો.
- તે પછી તેને ફરીથી ગુંદી લો.
- આમ તૈયાર થયેલી કણિકના ૬ સરખા ભાગ પાડી લો.
- હવે દરેક ભાગને ૧૨૫ મી. મી. (૫”)ના વ્યાસના ગોળાકારમાં સૂકા લોટની મદદથી વણી લો.
- હવે આ વણેલા ગોળાકારની મધ્યમાં ૧ ટીસ્પૂન લસણ અને ૧ ૧/૨ ટેબલસ્પૂન ચીઝ મૂકો.
- તે પછી તેને દરેક બાજુએથી વાળીને મધ્યમાંથી બંધ કરી ઉપરના વધારાના લોટને કાઢીને થોડુંક દબાવી લો.
- હવે તેને ફરીથી ૨૦૦ મી. મી. (૮”)ના વ્યાસના ગોળાકારમાં સૂકા ધઉંના લોટની મદદથી વણી લો.
- એક નૉન-સ્ટીક તવાને ગરમ કરી, તેની પર નાન મૂકી તેની એક બાજુ હલ્કી ફૂલી જાય તે પછી તેને ફેરવી લો.
- આમ તેની બીજી બાજુ પણ જ્યારે હલ્કી ફૂલી જાય ત્યારે તેને સીધા તાપ પર નાન બન્ને બાજુએથી ગોલ્ડન બ્રાઉન થાય ત્યાં સુધી શેકી લો.
- હવે આ નાન પર બ્રશ વડે ૧/૨ ટીસ્પૂન પીગળાવેલું માખણ સરખી રીતે ચોપડી લો.
- આમ રીત ક્રમાંક ૫ થી ૧૧ પ્રમાણે બીજા ૯ નાન તૈયાર કરો.
- તરત જ પીરસો.
પ્લેટ દીઠ પોષક મૂલ્યો (સંક્ષિપ્ત)
| ઊર્જા | 165 કૅલ |
| પ્રોટીન | 6.2 ગ્રામ |
| કાર્બોહાઇડ્રેટ | 19.4 ગ્રામ |
| ફાઇબર | 1.6 ગ્રામ |
| ચરબી | 7.1 ગ્રામ |
| કોલેસ્ટ્રોલ | 24 મિલિગ્રામ |
| સોડિયમ | 204 મિલિગ્રામ |
લસણ ચીઝ નઆન, તવા નઆન વિના યએઅસટ માં કેટલી કેલરી છે? કેલરી માટે અહીં ક્લિક કરો
