You are here: હોમમા> વિવિધ વ્યંજન > ભારતીય વ્યંજન > રાજસ્થાની વ્યંજન | રાજસ્થાની વાનગીઓ | રાજસ્થાની રેસિપી | > બદામ બરફી રેસીપી (સ્વસ્થ બદામ બરફી)
બદામ બરફી રેસીપી (સ્વસ્થ બદામ બરફી)
Tarla Dalal
• Updated : Aug 11, 2025
Table of Content
બરફી આમ તો બધાને લલચાવે એવી મીઠાઇ છે, પછી તે ભલે તે નાના ભુલકાઓ હોય કે પછી મોટા લોકો હોય. પણ આપણામાંથી ઘણા લોકો ને બરફી ખાવાની ઇચ્છા હોવા છતાં ખાવાનું ટાળીએ છે, કારણકે તેમાં ભરપૂર કેલરી હોય છે. અહીં બતાવેલી આ પૌષ્ટિક બદામની બરફી ક્યારેક ક્યારેક પ્રસંગોપાત માણી શકાય એવી છે.
પ્રોટીનયુક્ત બદામ વડે બનતી આ બરફીમાં બહુ થોડી માત્રામાં સાકર અને ઘી નો ઉપયોગ કરવામાં આવ્યો છે, આમ છતાં આ બરફીમાં જોઇએ તેટલી મીઠાશ પણ છે અને સાથે સ્વાદ પણ મજેદાર છે. આ સ્વાદનું કારણ છે, તેમાં ઉમેરવામાં આવેલું કેસર અને એલચીનું પાવડર. આ સ્વાદિષ્ટ બદામની બરફી હવાબંધ ડબ્બામાં ભરી સામાન્ય તાપમાન પર ત્રણ થી ચાર દીવસ તાજી રહે એવી બને છે. અન્ય પૌષ્ટિક મીઠાઇઓ જેવી કે મખાનાની ખીર અથવા જુવાર-સફરજનનો શીરો પણ અજમાવવા જેવી છે.
બદામની બરફી - Badam Burfi Recipe, Healthy Almond Burfi in Gujarati
Tags
Soaking Time
0
Preparation Time
5 Mins
Cooking Time
8 Mins
Baking Time
0 Mins
Baking Temperature
0
Sprouting Time
0
Total Time
13 Mins
Makes
18 ટુકડા
સામગ્રી
Main Ingredients
3/4 કપ બદામ (almonds)
1/2 કપ ગાયનું દૂધ
થોડા કેસર (saffron (kesar) strands)
1 ટીસ્પૂન ગાયનું દૂધ
1 1/2 ટેબલસ્પૂન ઘી (ghee)
2 ટેબલસ્પૂન સાકર (sugar)
1/4 ટીસ્પૂન એલચીનો પાવડર (cardamom (elaichi) powder)
વિધિ
- એક ઊંડા બાઉલમાં ગરમ પાણીમાં બદામ ઉમેરી, તેને ઢાંકીને ૨ કલાક સુધી પલાળી રાખ્યા બાદ નીતારી લો.
- તે પછી બદામની છાલ કાઢી લો.
- આ બદામને દૂધ સાથે મિક્સરમાં ફેરવી સુંવાળી પેસ્ટ તૈયાર કરી બાજુ પર રાખો.
- એક નાના બાઉલમાં હુંફાળા ગરમ દૂધમાં કેસર મેળવી સારી રીતે મિક્સ કરી બાજુ પર રાખો.
- એક પહોળા નૉન-સ્ટીક પૅનમાં ઘી ગરમ કરી, તેમાં બદામની પેસ્ટ મેળવી સારી રીતે મિક્સ કરી ધીમા તાપ પર ૪ મિનિટ સુધી સતત હલાવતા રહી રાંધી લો.
- તે પછી તેમાં સાકર અને એલચીનું પાવડર મેળવી, સારી રીતે મિક્સ કરી ધીમા તાપ પર વધુ ૪ મિનિટ સુધી સતત હલાવતા રહી રાંધી લો.
- આમ તૈયાર થયેલા મિશ્રણને તરત જ ૧૭૫ મી. મી. (૭”)વ્યાસની ઘી ચોપડેલી ડીશમાં સરખી રીતે પાથરીને તેને ચોરસ આકાર આપો.
- ચાકુ વડે તેના ૧૮ સરખા ટુકડા પાડો.
- બરફીને ઠંડી થવા ૩૦ મિનિટ બાજુ પર રાખો.
- તે પછી તેને પીરસો અથવા હવાબંધ બરણીમાં મૂકી જ્યારે જરૂર પડે ત્યારે તેની મજા માણો.
હાથવગી સલાહ:
- આ બરફી હવાબંધ બરણીમાં ઓરડાના તાપમાન પર મૂકી રાખવાથી ૩ દીવસ સુધી તાજી રહે છે.
પ્લેટ દીઠ પોષક મૂલ્યો (સંક્ષિપ્ત)
| ઊર્જા | 51 કૅલ |
| પ્રોટીન | 1.1 ગ્રામ |
| કાર્બોહાઇડ્રેટ | 2.5 ગ્રામ |
| ફાઇબર | 0.1 ગ્રામ |
| ચરબી | 3.8 ગ્રામ |
| કોલેસ્ટ્રોલ | 0 મિલિગ્રામ |
| સોડિયમ | 4 મિલિગ્રામ |
બઅડઅમ બઉરફઈ રેસીપી, આરોગ્યદાયક અલમઓનડ બઉરફઈ માં કેટલી કેલરી છે? કેલરી માટે અહીં ક્લિક કરો
