You are here: હોમમા> કોર્સ, મુખ્ય કોર્સ વાનગીઓ, શરુ, મીઠાઈઓ > ભારતીય મીઠાઈ | ઈંડા વગરની ભારતીય મીઠાઈ | > મૂસ / ચીઝકેક > ચોકલેટ શિફોન પાય ની રેસીપી
ચોકલેટ શિફોન પાય ની રેસીપી
Tarla Dalal
29 September, 2019
Table of Content
એક અલગ પ્રકારના પાયની વાનગી જેમાં નાળિયેરનો ઉપયોગ કરવામાં આવ્યો છે. આ ચોકલેટ શિફોન પાયમાં ચોકલેટ મુસને નાળિયેરના અતિ પાતળા પડ પર મૂકવામાં આવે છે અને તે પછી તેને વ્હીપ્ડ ક્રીમ વડે સજાવવામાં આવે છે.
જ્યારે તમે આ વાનગી માટે નાળિયેરનું ખમણ કાઢો, ત્યારે ખમણીમાં મધ્યમ ખમણવું, જો તમે મોટા કાણા કે ઝીણા કાણા વડે ખમણશો તો નાળિયેરનું પડ પાયને બગાડી નાખશે.
ચોકલેટ શિફોન પાય ની રેસીપી - Chocolate Chiffon Pie ( Eggless Desserts Recipe) in Gujarati
Tags
Preparation Time
15 Mins
Cooking Time
12 Mins
Total Time
27 Mins
Makes
6 માત્રા માટે
સામગ્રી
ચોકલેટ શિફોન પાય ની રેસીપી બનાવવા માટે
નાળિયેરના પડ માટે
1 કપ ખમણેલું નાળિયેર (grated coconut)
2 ટેબલસ્પૂન સાકર (sugar)
2 ટેબલસ્પૂન પીગળાવેલું માખણ (melted butter)
ચોકલેટ મુસ માટે
1 કપ સમારેલી ડાર્ક ચૉકલેટ
1/4 કપ દૂધ (milk)
1 ટેબલસ્પૂન પીસેલી સાકર (powdered sugar)
1 3/4 કપ બીટન વ્હીપ્ડ ક્રીમ (beaten whipped cream)
1/4 ટીસ્પૂન વેનિલાનું ઍસન્સ
2 ટીસ્પૂન મધ ( honey )
સજાવવા માટે
વિધિ
આગળની રીત ચોકલેટ શિફોન પાય ની રેસીપી બનાવવા માટે
- નાળિયેરના તૈયાર કરેલા પડ પર ચોકલેટ મુસ તરત જ રેડીને પૅલેટ નાઇફ (palate knife) વડે સરખી રીતે પાથરી લો.
- તે પછી તેને રેફ્રીજરેટરમા ૨ થી ૩ કલાક અથવા પાય બરોબર સેટ થઇ જાય ત્યાં સુધી રાખો.
- તે પછી ટીનમાંથી પાયને કાઢીને તેના ૬ સરખા ટુકડા પાડી લો.
- બીટન વ્હીપ્ડ ક્રીમ વડે સજાવીને ઠંડું પીરસો.
ચોકલેટ મુસ માટે
- એક માઇક્રોવેવ સેફ બાઉલમાં ચોકલેટ અને દૂધ મેળવી ઉંચા તાપ પર ૩૦ સેકંડ સુધી માઇક્રોવેવ કરી લીધા પછી તેને બહાર કાઢીને સારી રીતે મિક્સ કરી લો જેથી તેમાં ગઠોડા ન રહે.
- હવે આ મિશ્રણને ખમણી અથવા ગરણી વડે ગાળીને બાજુ પર રાખો.
- બીજા એક બાઉલમાં સાકર અને બીટન વ્હીપ્ડ ક્રીમ મેળવીને ઉપર નીચે કરીને હળવેથી મેળવી લો.
- તે પછી તેમાં તૈયાર કરેલું ચોકલેટ અને દૂધનું મિશ્રણ મેળવી ઉપર નીચે કરીને હળવેથી મેળવી લો.
- છેલ્લે તેમાં વેનીલા એસેન્સ અને મધ મેળવીને વ્યવસ્થિત રીતે મિક્સ કરી લો.
નાળિયેરના પડ માટે
- એક નૉન-સ્ટીક પૅનમાં મધ્યમ તાપ પર નાળિયેરને લગભગ ૫ થી ૭ મિનિટ અથવા તો તે સરખા પ્રમાણમાં બ્રાઉન રંગનું થાય ત્યાં સુધી તેને સતત હલાવતા રહી ગરમ કરી લો.
- તે પછી તેમાં સાકર અને માખણ મેળવી સારી રીતે મિક્સ કરી મધ્યમ તાપ પર વધુ ૨ થી ૩ મિનિટ સુધી સતત હલાવતા રહી રાંધી લો.
- આમ તૈયાર થયેલા નાળિયેરના મિશ્રણને ૧૭૫ મી. મી. (૭”)ના વ્યાસના નીચેથી ખુલે એવા કેક ટીનમાં પાથરીને હળવેથી દબાવી લો.
- આ કેક ટીનને રેફ્રીજરેટરમાં લગભગ ૩૦ મિનિટ સુધી રાખી મૂકો.
હાથવગી સલાહ:
- તમે ચોકલેટ અને દૂધના મિશ્રણને ડબલ બોઇલરમાં પણ પીગળાવી શકો છો.
