ટમેટાવાળા ભાત | Tomato Rice( South Indian Recipes )


દ્વારા

टमॅटो राईस - हिन्दी में पढ़ें (Tomato Rice( South Indian Recipes ) in Hindi) 

Added to 269 cookbooks   This recipe has been viewed 2139 times

આ મસાલેદાર અને તીખા ભાત લંચ બોક્સમાં ભરવા માટે તો બરોબર ગણાય એવા છે અને નાના મોટા સૌને ભાવે એવા પણ છે. આ ટમેટાવાળા ભાતને પાપડ સાથે કે પછી નાળિયેરની પચડી સાથે, તમને ફાવે તે રીતે ખાઓ પણ તેનો સ્વાદ એવો મજેદાર છે કે તેમાં મેળવેલા મસાલા અને ટમેટા એક બીજાને પૂરક પૂરવાર થાય છે.

સામાન્ય મસાલા સાથે પારંપારિક વઘારમાં મેળવેલી મગફળી વડે બનતા આ ટમેટાવાળા ભાત બધાને ભાવે એવા બને છે.

બીજી વિવિધ દક્ષિણ ભારતીય ભાતની વાનગી પણ અજમાવો, તે છે દહીંવાળા ભાત , લીંબુવાળા ભાત અને નાળિયેરના ભાત.

Add your private note

ટમેટાવાળા ભાત - Tomato Rice( South Indian Recipes ) in Gujarati

તૈયારીનો સમય:    બનાવવાનો સમય:    કુલ સમય:     ૪ માત્રા માટે
મને બતાવો માત્રા માટે

સામગ્રી

મસાલા પાવડર માટે
૨ ટીસ્પૂન નાળિયેરનું તેલ અથવા બીજું કોઇ રીફાઇન્ડ તેલ
૧ ટીસ્પૂન અડદની દાળ
૧ ટેબલસ્પૂન ચણાની દાળ
૧/૪ ટીસ્પૂન મેથીના દાણા
૨ ટીસ્પૂન આખા ધાણા
આખા લાલ કાશ્મીરી મરચાં
૨ ટેબલસ્પૂન ખમણેલું સુકું નાળિયેર
૧/૨ ટીસ્પૂન હીંગ

બીજી સામગ્રી
૩/૪ કપ ટમેટાનું પલ્પ
૧/૨ ટીસ્પૂન હળદર
મીઠું , સ્વાદાનુસાર
૧ ટેબલસ્પૂન નાળિયેરનું તેલ અથવા બીજું કોઇ રીફાઇન્ડ તેલ
૨ ટીસ્પૂન ઘી
૧ ટીસ્પૂન રાઇ
૩ ટેબલસ્પૂન કાચી મગફળી
૬ to ૭ કડી પત્તા
૨ ટીસ્પૂન ઝીણા સમારેલા લીલા મરચાં
૧/૨ કપ ઝીણા સમારેલા કાંદા
૨ ૧/૨ કપ રાંધેલા ભાત
વિધિ
    Method
  1. એક નાના પૅનમાં તેલ ગરમ કરી તેમાં અડદની દાળ, ચણાની દાળ, મેથીના દાણા અને આખા ધાણા મેળવી મધ્યમ તાપ પર ૧ મિનિટ સુધી સાંતળી લો.
  2. તે પછી તેમાં બાકી રહેલી બધી સામગ્રી મેળવી ધીમા તાપ પર વચ્ચે-વચ્ચે હલાવતા રહી ૧ થી ૨ મિનિટ સુધી રાંધી લીધા પછી તેને થોડું ઠંડુ થવા દો.
  3. જ્યારે તે ઠંડું પડે, ત્યારે તેને મિક્સરમાં ફેરવી ઝીણું પાવડર બનાવી બાજુ પર રાખો.

આગળની રીત

    આગળની રીત
  1. એક નૉન-સ્ટીક પૅનમાં ટમેટાનું પલ્પ, હળદર અને મીઠું મેળવી સારી રીતે મિક્સ કરી મધ્યમ તાપ પર ૨ થી ૩ મિનિટ સુધી વચ્ચે-વચ્ચે હલાવતા રહી રાંધી લો.
  2. તે પછી તેમાં તૈયાર કરેલો મસાલા પાવડર મેળવી, સારી રીતે મિક્સ કરી મધ્યમ તાપ પર ૧ મિનિટ સુધી રાંધી આ ટમેટા પેસ્ટને બાજુ પર રાખો.
  3. એક પહોળા નૉન-સ્ટીક પૅનમાં તેલ ગરમ કરી તેમાં રાઇ ઉમેરો.
  4. જ્યારે દાણા તતડવા માંડે, ત્યારે તેમાં મગફળી અને કડી પત્તા મેળવી ધીમા તાપ પર ૨ થી ૩ મિનિટ સુધી અથવા મગફળી થોડી હલકા બ્રાઉન રંગની થાય ત્યાં સુધી સાંતળી લો.
  5. તે પછી તેમાં લીલા મરચાં અને કાંદા મેળવી, સારી રીતે મિક્સ કરી મધ્યમ તાપ પર વધુ ૧ થી ૨ મિનિટ સુધી વચ્ચે-વચ્ચે હલાવતા રહી સાંતળી લો.
  6. તે પછી તેમાં ટમેટાની પેસ્ટ અને ૨ ટેબલસ્પૂન પાણી મેળવી, સારી રીતે મિક્સ કરી મધ્યમ તાપ પર ૧મિનિટ સુધી રાંધી લો.
  7. છેલ્લે તેમાં રાંધેલા ભાત અને મીઠું મેળવી, હળવેથી મિક્સ કરી મધ્યમ તાપ પર વધુ ૨ મિનિટ સુધી વચ્ચે-વચ્ચે હલાવતા રહી રાંધી લો.
  8. ગરમ-ગરમ પીરસો.
Accompaniments

REGISTER NOW If you are a new user.
Or Sign In here, if you are an existing member.

Login Name
Password

Forgot Login / Password?Click here

If your Gmail or Facebook email id is registered with Tarladalal.com, the accounts will be merged. If the respective id is not registered, a new Tarladalal.com account will be created.

Are you sure you want to delete this review ?

Click OK to sign out from tarladalal.
For security reasons (specially on shared computers), proceed to Google and sign out from your Google account.

Reviews