પનીર પસંદા - Paneer Pasanda ( Subzi Recipe)


દ્વારા


Added to 381 cookbooks   This recipe has been viewed 1282 times

આ ભારતીય પનીરની વાનગીમાં ખાસ મહત્વનો ભાગ છે તેમાં વપરાયેલી બે પ્રકારની કાંદાની પેસ્ટ. પહેલી પેસ્ટમાં રાંધેલા કાંદાની સાથે કાજૂ છે જે પનીર પસંદાને મલાઇદાર બનાવે છે, જ્યારે બીજી પેસ્ટમાં બ્રાઉન કાંદા તેને શાહી, તીવ્ર સ્વાદવાળું અને સુગંધી બનાવે છે. આ વાનગી પાર્ટીમાં પીરસી શકાય એવી છે. તે ઉપરાંત આ પનીર પસંદા દરેક પ્રકારની રોટી અથવા પરોઠા સાથે કે પછી ખાસ સૌમ્ય સુવાસવાળા ભાત સાથે પણ પીરસી શકાય છે.

Add your private note

Paneer Pasanda ( Subzi Recipe) recipe - How to make Paneer Pasanda ( Subzi Recipe) in gujarati

તૈયારીનો સમય:    બનાવવાનો સમય:    કુલ સમય:     ૩ માત્રા માટે
મને બતાવો માત્રા માટે

સામગ્રી
૧ ૧/૨ કપ પનીરના ટુકડા
૨ ટેબલસ્પૂન તેલ
૧ ટીસ્પૂન મરચાં પાવડર
૧/૨ ટીસ્પૂન ગરમ મસાલો
૧ કપ જેરી લીધેલું દહીં
મીઠું , સ્વાદાનુસાર

કાંદા-કાજૂની પેસ્ટ માટે
૧ કપ મોટા સમારેલા કાંદા
લસણની કળી
નાનો આદૂનો ટુકડો
૨ ટેબલસ્પૂન ટુકડા કરેલા કાજૂ

બ્રાઉન કાંદાની પેસ્ટ માટે
૧ ૧/૨ કપ સ્લાઇસ કરેલા કાંદા
તેલ , તળવા માટે

સજાવવા માટે
૧ ટેબલસ્પૂન ઝીણી સમારેલી કોથમીર
વિધિ
કાંદા-કાજૂની પેસ્ટ માટે

    કાંદા-કાજૂની પેસ્ટ માટે
  1. એક ઊંડા નૉન-સ્ટીક પૅનમાં કાંદાની સાથે ૧ કપ પાણી મેળવી, સારી રીતે મિક્સ કરી મધ્યમ તાપ પર ૫ થી ૬ મિનિટ સુધી વચ્ચે-વચ્ચે હલાવતા રહી રાંધી લીધા પછી તેને સંપૂર્ણ ઠંડા થવા માટે બાજુ પર રાખો.
  2. કાંદા જ્યારે સંપૂર્ણ ઠંડા થઇ જાય ત્યારે તેની સાથે લસણ, આદૂ અને કાજૂ મેળવી મિક્સરમાં ફેરવી સુંવાળી પેસ્ટ તૈયાર કરી બાજુ પર રાખો.

બ્રાઉન કાંદાની પેસ્ટ માટે

    બ્રાઉન કાંદાની પેસ્ટ માટે
  1. એક નૉન-સ્ટીક કઢાઇમાં તેલ ગરમ કરી તેમાં કાંદા ગોલ્ડન બ્રાઉન થાય ત્યાં સુધી તળી લો.
  2. તે પછી તેને ટીશ્યુ પેપર પર મૂકી સૂકા કરી સંપૂર્ણ ઠંડા થવા બાજુ પર રાખો.
  3. જ્યારે તે ઠંડા થઇ જાય, ત્યારે તેને ૩ ટેબલસ્પૂન પાણી સાથે મિક્સ કરી મિક્સરમાં ફેરવી સુંવાળી પેસ્ટ તૈયાર કરી બાજુ પર રાખો.

આગળની રીત

    આગળની રીત
  1. એક પહોળા નૉન-સ્ટીક પૅનમાં તેલ ગરમ કરી, તેમાં કાંદા-કાજૂની પેસ્ટ મેળવી સારી રીતે મિક્સ કરી મધ્યમ તાપ પર ૨ થી ૩ મિનિટ સુધી વચ્ચે-વચ્ચે હલાવતા રહી રાંધી લો.
  2. તે પછી તેમાં મરચાં પાવડર અને ગરમ મસાલો મેળવી, સારી રીતે મિક્સ કરી મધ્યમ તાપ પર ૩ થી ૪ મિનિટ સુધી સતત હલાવતા રહી રાંધી લો.
  3. હવે તાપ ઓછો કરી, તેમાં દહીં મેળવી સારી રીતે મિક્સ કરી ધીમા તાપ પર ૨ મિનિટ સુધી સતત હલાવતા રહી રાંધી લો.
  4. તે પછી તેમાં બ્રાઉન કાંદાની પેસ્ટ, મીઠું અને ૧/૪ કપ પાણી મેળવી, સારી રીતે મિક્સ કરી મધ્યમ તાપ પર ૨ મિનિટ સુધી વચ્ચે-વચ્ચે હલાવતા રહી રાંધી લો.
  5. છેલ્લે તેમાં પનીરના ટુકડા મેળવી હળવા હાથે મિક્સ કરી મધ્યમ તાપ પર ૧ થી ૨ મિનિટ સુધી રાંધી લો.
  6. કોથમીર વડે સજાવી ને ગરમ ગરમ પીરસો.
Accompaniments

REGISTER NOW If you are a new user.
Or Sign In here, if you are an existing member.

Login Name
Password

Forgot Login / Passowrd?Click here

If your Gmail or Facebook email id is registered with Tarladalal.com, the accounts will be merged. If the respective id is not registered, a new Tarladalal.com account will be created.

Are you sure you want to delete this review ?

Click OK to sign out from tarladalal.
For security reasons (specially on shared computers), proceed to Google and sign out from your Google account.

Reviews