કઢાઇ પનીર - Kadai Paneer ( Rotis and Subzis)


દ્વારા

5/5 stars  100% LIKED IT    2 REVIEWS ALL GOOD
कढ़ाई पनीर - हिन्दी में पढ़ें (Kadai Paneer ( Rotis and Subzis) in Hindi) 

Added to 1409 cookbooks   This recipe has been viewed 1734 times

આ એક ખૂબ જ પ્રખ્યાત વાનગી છે જે ભારતના દરેક રેસ્ટૉરન્ટના મેનુમાં જોવા મળે છે. અહીં પનીરને તળીને ટમેટાની ગ્રેવીમાં રાંધવામાં આવ્યું છે, અને આ ગ્રેવીને તમે વધુ કે ઓછા મસાલાવાળી તમારા ગમતા સ્વાદ પ્રમાણે બનાવી શકો છો. પણ ધ્યાન રાખજો કે સિમલા મરચાં અને કસૂરી મેથીને આ વાનગીથી બાદ નહીં કરતા કારણકે આ બન્ને સામગ્રીનો સ્વાદ તીવ્ર છે અને તે પનીર સાથે ખૂબ જ સારી રીતે પૂરક સાબીત થાય છે. આ વાનગી કોઇ પણ રોટી , પરોઠા અથવા પૂરી સાથે પીરસી શકો.

Add your private note

Kadai Paneer ( Rotis and Subzis) recipe - How to make Kadai Paneer ( Rotis and Subzis) in gujarati

તૈયારીનો સમય:    બનાવવાનો સમય:    કુલ સમય:     ૪ માત્રા માટે
મને બતાવો માત્રા માટે

સામગ્રી

કઢાઇ ગ્રેવી માટે
૧૦ આખા સૂકા લાલ કાશ્મીરી મરચાં , ટુકડા કરેલા
૧ ટેબલસ્પૂન આખા ધાણા
૨ ૧/૨ ટેબલસ્પૂન તેલ
૨ ટેબલસ્પૂન ઝીણું સમારેલું લસણ
૧ ટેબલસ્પૂન ઝીણા સમારેલા લીલા મરચાં
૨ ૧/૨ કપ ઝીણા સમારેલા ટમેટા
૧/૪ કપ ટમેટાની પ્યુરી
૧ ટીસ્પૂન કસૂરી મેથી
૧ ટીસ્પૂન ગરમ મસાલો
મીઠું , સ્વાદાનુસાર

બીજી જરૂરી વસ્તુઓ
૧ ૧/૨ કપ પનીર , ૩૭ મી.મી. (૧ ૧/૨”)ના ટુકડા કરેલા
તેલ , તળવા માટે
૧ ટેબલસ્પૂન તેલ
૧/૨ કપ ઝીણા સમારેલા કાંદા
૧ ટીસ્પૂન ધાણા-જીરા પાવડર
૧ ટીસ્પૂન મરચાં પાવડર
૧/૪ ટીસ્પૂન હળદર
૧/૨ ટીસ્પૂન ગરમ મસાલો
૧/૪ ટીસ્પૂન કસૂરી મેથી
૧/૨ કપ ઝીણી સ્લાઇસ કરેલા સિમલા મરચાં
મીઠું , સ્વાદાનુસાર
એક ચપટીભર સાકર
૧/૨ કપ તાજું ક્રીમ

સજાવવા માટે
૧ ટેબલસ્પૂન ઝીણી સમારેલી કોથમીર
વિધિ
કઢાઇ ગ્રેવી માટે

    કઢાઇ ગ્રેવી માટે
  1. એક નૉન-સ્ટીક તવા પર લાલ મરચાં અને આખા ધાણાને ૩૦ સેકંડ માટે સૂકા શેકી લો.
  2. તે પછી તેને તવા પરથી ઉતારીને ઠંડા થવા બાજુ પર રાખો.
  3. ઠંડા થયા પછી તેને મિક્સરમાં ફેરવી બારીક પાવડર બનાવી બાજુ પર રાખો.
  4. એક કઢાઇમાં તેલ ગરમ કરી, તેમાં લસણ નાંખી મધ્યમ તાપ પર થોડી સેકંડ સુધી સાંતળી લો.
  5. તે પછી તેમાં લાલ મરચાં-ધાણાનો પાવડર મેળવી મધ્યમ તાપ પર ૩૦ સેકંડ સુધી સાંતળી લો.
  6. તે પછી તેમાં લીલા મરચાં મેળવી મધ્યમ તાપ પર વધુ ૩૦ સેકંડ સુધી સાંતળી લો.
  7. પછી તેમાં ટમેટા મેળવી, સારી રીતે મિક્સ કરીને મધ્યમ તાપ પર ૧૦ થી ૧૨ મિનિટ સુધી અથવા તેલ છુટું થાય ત્યાં સુધી વચ્ચે-વચ્ચે હલાવતા રહી રાંધી લો.
  8. તેને બટાટા છૂંદવાના સાધન વડે થોડી છૂંદી લો.
  9. છેલ્લે તેમાં ટમેટાની પ્યુરી, કસૂરી મેથી, ગરમ મસાલો, મીઠું અને લગભગ ૨ ટેબલસ્પૂન જેટલું પાણી મેળવી સારી રીતે મિક્સ કરી મધ્યમ તાપ પર ૧ થી ૨ મિનિટ સુધી વચ્ચે-વચ્ચે હલાવતા રહી રાંધી લીધા પછી તેને બાજુ પર રાખો.

આગળની રીત

    આગળની રીત
  1. એક કઢાઇમાં તેલ ગરમ કરી તેમાં થોડા-થોડા પનીરના ટુકડા મેળવીને તે દરેક બાજુએથી હલકા બ્રાઉન થાય ત્યાં સુધી તળી લો. પછી બહાર કાઢી ટીશ્યુ પેપર પર મૂકી સૂકા કરી સહેજ ગરમ પાણીમાં ૧૦ મિનિટ સુધી રાખી લીધા પછી નીતારીને બાજુ પર રાખો.
  2. બીજી એક કઢાઇમાં તેલ ગરમ કરી તેમાં કાંદા નાંખી મધ્યમ તાપ પર ૩ થી ૪ મિનિટ સુધી અથવા કાંદા અર્ધપારદર્શક થાય ત્યાં સુધી સાંતળી લો.
  3. પછી તેમાં તૈયાર કરેલી કઢાઇ ગ્રેવી, ધાણા-જીરા પાવડર, મરચાં પાવડર, હળદર, ગરમ મસાલો અને કસૂરી મેથી નાંખી મધ્યમ તાપ પર વધુ ૧ મિનિટ સુધી રાંધી લો.
  4. પછી તેમાં સિમલા મરચાં અને ૧ કપ પાણી મેળવી, સારી રીતે મિક્સ કરી મધ્યમ તાપ પર વચ્ચે-વચ્ચે હલાવતા રહી ૨ થી ૩ મિનિટ સુધી રાંધી લો.
  5. પછી તેમાં પનીર, મીઠું અને સાકર મેળવી, સારી રીતે મિક્સ કરી હલકી આંચ પર વચ્ચે-વચ્ચે હલાવતા રહી ૨ થી ૩ મિનિટ સુધી રાંધી લો.
  6. છેલ્લે તેમાં તાજું ક્રીમ મેળવી સારી રીતે મિક્સ કરી લો.
  7. કોથમીર વડે સજાવીને ગરમ ગરમ પીરસો.
Accompaniments

REGISTER NOW If you are a new user.
Or Sign In here, if you are an existing member.

Login Name
Password

Forgot Login / Passowrd?Click here

If your Gmail or Facebook email id is registered with Tarladalal.com, the accounts will be merged. If the respective id is not registered, a new Tarladalal.com account will be created.

Are you sure you want to delete this review ?

Click OK to sign out from tarladalal.
For security reasons (specially on shared computers), proceed to Google and sign out from your Google account.

Reviews

કઢાઇ પનીર
5
 on 10 Jul 17 04:51 PM


Kadai Paneer, tasty recipe
કઢાઇ પનીર
5
 on 16 Mar 17 05:40 PM


mara husband ne hamesa restaurant nu j kadai paneer bhave pan jayre aa recipe try kari to e restaurant no test bhuli gaya ne full enjoy kari parotha saathe khadhu.