ચીઝ બર્સ્ટ પીઝા - Cheese Burst Pizza


દ્વારા

Cheese Burst Pizza - Read in English 

Added to 11 cookbooks   This recipe has been viewed 1804 times

બજારમાં મળતા તૈયાર પીઝાની સરખામણીમાં આ ઘરે બનાવેલા ચીઝ બર્સ્ટ પીઝાની બનાવટ જ અલગ છે, કારણકે તે આપણા પોતાના રસોડામાં તૈયાર થયેલા છે અને તેમાં ઉમેરવામાં આવેલી વસ્તુઓ સારામાં સારી છે અને તેનું ટોપીંગ તમારી મનપસંદનું છે. વિવિધ ઇટાલીની પ્રખ્યાત વાનગીઓમાંથી પસંદ કરેલા ચીઝ બર્સ્ટ પીઝાની વાનગી નાના બાળકો અને મોટા લોકોને પણ પસંદ પડશે કારણકે તેના દરેક ટુકડામાં ઉત્તેજના પેદા કરે એવી વસ્તુઓ મેળવવામાં આવી છે. આ પીઝાના કરકરા રોટલાથી માંડીને તેમા મેળવેલા ટોપીંગ વગેરે દરેક વસ્તુ તેને આકર્ષક બનાવે છે. આ પીઝા તૈયાર થઇ જાય કે તરત જ પીરસવા જ્યા સુધી ચીઝ પીગળેલી અને મુલાયમ હોય, નહીં તો તમને તેમાં મેળવેલી વસ્તુઓનો સ્વાદ માણવા નહીં મળે.

Add your private note

Cheese Burst Pizza recipe - How to make Cheese Burst Pizza in gujarati

તૈયારીનો સમય:    બેકિંગનું તાપમાન:  ૨૦૦° સે (૪૦૦° ફે)   બેકિંગનો સમય:  ૨૫ મિનિટ   બનાવવાનો સમય:    કુલ સમય:     ૨ પીઝા માટે
મને બતાવો પીઝા માટે

સામગ્રી
૨ ટેબલસ્પૂન ચીઝ સ્પ્રેડ
૧૦ ચીઝ સ્લાઇસ
૧ કપ ખમણેલું પ્રોસેસ્ડ ચીઝ
૨ ટીસ્પૂન સૂકું ખમીર
૧ ટેબલસ્પૂન સાકર
૧ કપ મેંદો
૧ ૧/૨ ટીસ્પૂન જેતૂનનું તેલ
૧/૨ ટીસ્પૂન મીઠું
મેંદો , વણવા માટે
૫ ટેબલસ્પૂન પીઝા સૉસ
૧/૪ કપ સ્લાઇસ કરેલા કાંદા
૧/૪ કપ સ્લાઇસ કરેલા સિમલા મરચાં
૨ ટેબલસ્પૂન કાળા જેતૂન
૧૦ ઍલપીનોની સ્લાઇસ
૧ ટીસ્પૂન સૂકા ઑરેગાનો
૧ ટીસ્પૂન સૂકા લાલ મરચાંના ફ્લેક્સ્
૨ ટેબલસ્પૂન જેતૂનનું તેલ , રેડવા માટે
વિધિ
    Method
  1. એક બાઉલમાં ૨ ટેબલસ્પૂન હુંફાળા પાણીમાં સૂકું ખમીર અને સાકર મેળવી, સારી રીતે મિક્સ કરી બાઉલને ઢાંકીને ૧૦ મિનિટ સુધી બાજુ પર રાખો.
  2. બીજા એક ઊંડા બાઉલમાં મેંદો, ખમીર-સાકરનું મિશ્રણ, જેતૂનનું તેલ અને મીઠું મેળવી જરૂરી પાણી વડે નરમ કણિક તૈયાર કરો.
  3. આ કણિકને કલીંગ રૅપ (cling wrap) અથવા મલમલના કપડા વડે ઢાંકીને ૪૫ મિનિટ માટે બાજુ પર રાખો.
  4. તે પછી કણિકને દબાવીને તેમાંની હવા કાઢી લીધા પછી તેના ૪ સરખા ભાગ પાડી, દરેક ભાગને સૂકા મેંદાના લોટની મદદથી ૧૭૫ મી. મી. (૭”) વ્યાસના ગોળાકારમાં વણી લો.
  5. આ વણેલા પીઝા પર ફોર્ક (fork) વડે કાંપા પાડી લો.
  6. આ પીઝાને નૉન-સ્ટીક તવા પર બન્ને બાજુએથી અડધા પડધા શેકીને બાજુ પર રાખો.
  7. હવે કણિકના બીજા એક ભાગને સૂકા મેંદાના લોટની મદદથી ૨૦૦ મી. મી. (૮”) વ્યાસના ગોળાકારમાં વણી, તેમાં ફોર્ક (fork) વડે કાંપા પાડીને તેને ઑવનની બેકીંગ ટ્રે પર મૂકો.
  8. હવે આ પીઝા પર ૧ ટેબલસ્પૂન ચીઝ સ્પ્રેડ સરખી રીતે પાથરી તેની કીનારીની બાજુએથી થોડી જગ્યા છોડી દો.
  9. તે પછી પાથરેલા ચીઝ સ્પ્રેડ પર ૫ ચીઝ સ્લાઇસ થોડી એક-બીજા પર રહે તે રીતે મૂકો.
  10. તે પછી અર્ધ શેકેલા પીઝાના રોટલાને તેની પર મૂકીને નીચેના પીઝાની બાજુઓને અંદરની બાજુએ વાળી લીધા પછી હલકા હાથે દબાવી લો.
  11. તેની પર ૨ ૧/૨ ટેબલસ્પૂન પીઝા સૉસ પાથરી લીધા પછી ૧/૮ કપ કાંદા, ૧/૮ કપ સિમલા મરચાં, ૧ ટેબલસ્પૂન કાળા જેતૂન, ૫ ઍલપીનોની સ્લાઇસ, ૧/૨ કપ ખમણેલું ચીઝ, ૧/૨ ટીસ્પૂન સૂકા ઑરેગાનો અને ૧/૨ ટીસ્પૂન સૂકા લાલ મરચાંના ફ્લેક્સ્ પણ સરખી રીતે પાથરી લો.
  12. રીત ક્રમાંક ૪ થી ૧૧ મુજબ વધુ ૧ પીઝા તૈયાર કરો.
  13. આમ તૈયાર થયેલા પીઝાને આગળથી ગરમ કરેલા ઑવનમાં ૨૦૦° સે (૪૦૦° ફે) તાપમાન પર ૨૦ મિનિટ સુધી બેક કરી લો.
  14. દરેક પીઝા પર ૧ ટેબલસ્પૂન જેતૂનનું તેલ રેડી લો.
  15. દરેક પીઝાને ૪ ટુકડામાં કાપીને તરત જ પીરસો.


REGISTER NOW If you are a new user.
Or Sign In here, if you are an existing member.

Login Name
Password

Forgot Login / Passowrd?Click here

If your Gmail or Facebook email id is registered with Tarladalal.com, the accounts will be merged. If the respective id is not registered, a new Tarladalal.com account will be created.

Are you sure you want to delete this review ?

Click OK to sign out from tarladalal.
For security reasons (specially on shared computers), proceed to Google and sign out from your Google account.

Reviews